undefined

കേരളത്തിൽനിന്നും വിയറ്റ്നാം പഠിച്ചെടുത്ത കശുവണ്ടി വിപ്ലവം

കേരളത്തിൽനിന്നും വിയറ്റ്നാം പഠിച്ചെടുത്ത കശുവണ്ടി വിപ്ലവം

Highlights

ഗ്ലോബലൈസേഷന്റെ ഫലമായി കേരളത്തിൽനിന്നും എങ്ങനെയാണ് വിയറ്റ്നാം കശുവണ്ടിസംസ്ക്കരണത്തിന്റെ പാഠം പഠിച്ചെടുത്ത് ഒന്നാം സ്ഥാനത്തെത്തിയത് എങ്ങനെയെന്ന് ലേഖനം വിശദീകരിക്കുന്നു

പതിനാറാം നൂറ്റാണ്ടിൽ ബ്രസീലിൽനിന്നും ഇന്ത്യയിലേക്ക് വന്ന പോർച്ചുഗീസുകാരായിരുന്നു ഇന്ത്യയിലേക്ക് കശുമാവ് എത്തിച്ചത്. കശുമാവ് അങ്ങനെ കൊല്ലത്തെ തീരത്തെത്തി. 1920 ആയപ്പോഴേയ്ക്ക് കശുവണ്ടി സംസ്ക്കരിച്ച് പരിപ്പെടുത്ത് ലോകത്തിന്റെ വിവിധ ഭാഗങ്ങളിലുള്ള ചന്തകളിലേക്ക് കയറ്റി അയയ്ക്കാൻ തുടങ്ങി. ജനറൽ ഫുഡ് കമ്പനിയുടെ ആളുകൾ കേരളത്തിലെ കച്ചവടക്കാരുമായി കരാറിൽ ഏർപ്പെടുകയും തൊണ്ടുപൊട്ടിച്ച് പരിപ്പെടുക്കുന്നതിനായി വൻതോതിൽ കശുവണ്ടി കൊല്ലത്തെ സംസ്ക്കരണ കേന്ദ്രങ്ങളിൽ എത്തിക്കുകയും ചെയ്തു. ഇവിടെനിന്നും കൊണ്ടുപോയ കശുവണ്ടിപ്പരിപ്പ് ന്യൂജഴ്സിയിലെ ഹൊബോക്കനിലെത്തിച്ച് വറുത്തെടുക്കുകയും ആകർഷകമായി പായ്ക്ക് ചെയ്ത് അമേരിക്കയിൽ ബേക്കേഴ്സ് വിറ്റാപാക്ക് കാഷ്യു എന്നപേരിൽ വിറ്റഴിക്കുകയും ചെയ്തു.

6.5 ബില്ല്യൺ ഡോളറിന്റെ കശുവണ്ടി കച്ചവടം ലോകത്താകമാനം നടക്കുന്നുണ്ട്. അമേരിക്കയാണ് കശുവണ്ടി പരിപ്പിന് ഏറ്റവും കൂടുതൽ ആവശ്യക്കാരുള്ള ഇടം. വെണ്ണയും പാലും പോലെ ആരോഗ്യകരമായ ഭക്ഷണ പദാർത്ഥത്തിൽ കശുവണ്ടി പരിപ്പ് മിഠായിക്കും അവർക്ക് പ്രിയമാണ്.

കൊല്ലത്ത് കശുവണ്ടി സംസ്ക്കരണത്തിൽ ഏർപ്പെട്ടിരിക്കുന്ന സ്ത്രീകൾ

വർഷങ്ങളോളം കൊല്ലം കശുവണ്ടിപ്പരിപ്പ് ഉത്പാദനത്തിൽ അജയ്യത കാത്തു സൂക്ഷിച്ചു. കൊല്ലത്തെ ഫാക്ടറികളിൽ തൊണ്ട് തല്ലിപ്പൊട്ടിച്ച് പരിപ്പെടുക്കുകയും നിലവാരത്തിന് അനുസരിച്ച് വേർതിരിക്കുകയും ചെയ്യുന്ന പ്രധാന ജോലികളായിരുന്നു ചെയ്തുപോന്നിരുന്നത്. ഇന്ത്യയിൽ കശുവണ്ടി സംസ്ക്കരിച്ച് കയറ്റി അയയ്ക്കുന്ന പ്രധാനപ്പെട്ട സ്ഥലവും കൊല്ലംതന്നെയാണ്.

കൊല്ലത്തുവന്ന് കശുവണ്ടി സംസ്ക്കരണം പഠിച്ചെടുത്ത വിയറ്റ്നാംകാരാണ് ഇപ്പോൾ കശുവണ്ടി കച്ചവടത്തിൽ ഒന്നാംസ്ഥാനത്ത്. ഗ്ലോബലൈസേഷന്റെ സാദ്ധ്യതകൾ തിരിച്ചറിഞ്ഞ വിയറ്റ്നാമിലെ വ്യവസായികൾ തങ്ങളുടെ കശുവണ്ടി സംസ്ക്കരണ കേന്ദ്രങ്ങൾ യന്ത്രവത്കൃതമാക്കി.

കൊല്ലത്ത് കശുവണ്ടി സംസ്ക്കരണശാല നിരന്തരം സന്ദർശിച്ച ജനറൽ ഫുഡിന്റെ പ്രതിനിധിയായ ജോൺസണും ഭാര്യയും ചേർന്ന് സംസ്ക്കരണശാല ആരംഭിക്കുകയും സംസ്ക്കരിച്ചെടുത്ത കശുവണ്ടി പരിപ്പ് ജനറൽ ഫുഡിന് നൽകുകയും ചെയ്തു. രണ്ടാംലോക മഹായുദ്ധകാലത്ത് ഇന്ത്യയിലുണ്ടായിരുന്ന അമേരിക്കൻ പൗരന്മാരോട് ഇന്ത്യവിടാൻ ആവശ്യപ്പെട്ടതിന്റെ അടിസ്ഥാനത്തിൽ ജോൺസണും സംഘവും ഇന്ത്യയിൽനിന്നും പോയെങ്കിലും പിന്നീട് മടങ്ങിവന്നില്ല.



കശുവണ്ടി പൊട്ടിച്ച് പരിപ്പ് കേടുകൂടാതെ പുറത്തെടുക്കുകയെന്നത് ശ്രമകരമായ ജോലിയായിരുന്നു. ഇത് മിക്കവാറും ചെയ്തിരുന്നത് സ്ത്രീകളായിരുന്നു. കുടുംബ ചിലവിനുള്ള പണം കണ്ടെത്താൻ ഇത് സ്ത്രീകളെ സഹായിച്ചു. 'കശുവണ്ടി ഫാക്ടറികളിൽ ജോലിക്ക് പോയി ലഭിച്ചിരുന്നത് വീടുകളിലേക്കുള്ള അധികവരുമാനമായാണ് കരുതിപ്പോന്നിരുന്നത്'. 85 വയസുകാരനായ രവീന്ദ്രനാഥൻ നായര്‍ പറഞ്ഞു. കരമായ ജോലിയായിരുന്നു. ഇത് മിക്കവാറും ചെയ്തിരുന്നത് സ്ത്രീകളായിരുന്നു. കുടുംബ ചിലവിനുള്ള പണം കണ്ടെത്താൻ ഇത് സ്ത്രീകളെ സഹായിച്ചു. 'കശുവണ്ടി ഫാക്ടറികളിൽ ജോലിക്ക് പോയി ലഭിച്ചിരുന്നത് വീടുകളിലേക്കുള്ള അധികവരുമാനമായാണ് കരുതിപ്പോന്നിരുന്നത്'. 85 വയസുകാരനായ രവീന്ദ്രനാഥൻ നായര്‍ പറഞ്ഞു.

കൊല്ലത്തെ കശുവണ്ടി സംസ്ക്കരണശാലകളിലൊന്ന്


അച്ഛൻ മരിച്ചതിനെത്തുടർന്നായിരുന്നു രവീന്ദ്രൻ നായര്‍ അച്ഛന്റെ കച്ചവടം ഏറ്റെടുത്തത്. അന്ന് രവീന്ദ്രൻ നായര്‍ക്ക് 24 വയസ്. കച്ചവടം ഏറ്റെടുത്തയുടനെ വിജയലക്ഷ്മി കാഷ്യു കമ്പനി എന്ന പേരുനൽകി അദ്ദേഹം തന്റെ കശുവണ്ടി കച്ചവടം വിപുലപ്പെടുത്തി. കശുവണ്ടി പരിപ്പ് വേര്‍തിരിക്കുന്നതിൽ വിദഗ്ദരായവര്‍ ദിവസവും ആയിരത്തിലധികം കശുവണ്ടികൾ തൊണ്ടുകളഞ്ഞ് പരിപ്പ് പുറത്തെടുക്കാറുണ്ടെന്നും രവീന്ദ്രൻ നായര്‍ പറഞ്ഞു.

തനിക്ക് ഈ തൊഴിൽ മാത്രമാണ് വശമുള്ളത് 39 വയസുകാരിയായ ഖദീജ പറഞ്ഞു. കൊല്ലത്തെ കശുവണ്ടി ഫാക്ടറിയിൽ 15-ാം വയസിൽ ജോലിക്ക് ചേര്‍ന്നതാണ് ഖദീജ.



1960ൽ കൊല്ലത്ത് നിരവധി കശുവണ്ടി ഫാക്ടറികൾ തുറക്കപ്പെടുകയുണ്ടായി. ആയിരക്കണക്കിന് ജോലിക്കാരാണ് അവിടങ്ങളിൽ ജോലിചെയ്തിരുന്നത്. 1970 ആയപ്പോഴേക്ക് പ്രാദേശിക പാര്‍ടികൾ കശുവണ്ടി ഫാക്ടറികളുടെ സംരക്ഷണത്തിനായി രംഗത്തെത്തി. കശുവണ്ടി ഫാക്ടറികളിലെ തൊഴിലാളികളുടെ ഏകോപിപ്പിക്കാൻ കമ്മ്യുണിസ്റ്റ് പാർടി രംഗത്തെത്തി.

പിന്നീട്, സർക്കാർ ഇടപെട്ട് തൊഴിലാളികൾക്ക് മിനിമം വേതനം നൽകണമെന്ന് ഉത്തരവിറക്കി. കശുവണ്ടി ബോര്‍ഡിന്റെ കീഴിൽ കേരളത്തിലെ കശുവണ്ടി ഫാക്ടറികളെ ഏകോപിപ്പിക്കാനും കേരളത്തിലെ സര്‍ക്കാരുകൾക്ക് കഴി‍ഞ്ഞിട്ടുണ്ട്. ഇതിലൂടെ ശമ്പള വർദ്ധനവ്, ആരോഗ്യ സംരക്ഷണ പദ്ധതികൾ, ജോലിസ്ഥലത്തെ ചൂഷണം എന്നിവ തടയാൻ സര്‍ക്കാർ പദ്ധതികൾ ആവിഷ്ക്കരിക്കുകയുംചെയ്തു. സ്ത്രീകൾ കശുവണ്ടി ഫാക്ടറികളിൽ തൊഴിലിൽ ഏർപ്പെട്ടതോടെ വീടുകളിലെ പട്ടിണി ഇല്ലാതാകുകയാണ് ചെയ്തത്. സ്ത്രീകൾക്കാണ് ഇത് ഏറ്റവും ഉപകാരപ്പെട്ടത്. പബ്ലിക്ക് ലൈബ്രറി, ഹോട്ടൽ, തിയറ്റര്‍ എന്നിവ അടുത്തകാലത്ത് കശുവണ്ടി വികസന കോര്‍പ്പറേഷന്റെ നേതൃത്വത്തിൽ പണി കഴിപ്പിച്ചിട്ടുണ്ട്.

ഇവിടുത്തെ ഏതാണ്ടെല്ലാ സ്ഥാപനങ്ങളും കശുവണ്ടിയുടെ ഫലമായി ഉണ്ടായതാണ്. എൻ.കെ.പ്രേമചന്ദ്രൻ എംഎൽഎ പറഞ്ഞു. മുതലാളിത്തവും മാര്‍ക്സിസ്റ്റ് ആശയങ്ങളുംതമ്മിലുള്ള സമത്വം ഇവിടെ നിലനിൽക്കുന്നുണ്ട്. 97,000 മെട്രിക് ടൺ കശുവണ്ടി പരിപ്പാണ് 1999ൽ കേരളത്തിൽനിന്നും കയറ്റുമതി ചെയ്തിരുന്നത്. അന്ന് 1,73,000 മെട്രിക് ടൺ കശുവണ്ടിപ്പരിപ്പാണ് ഇന്ത്യയിൽനിന്നൊട്ടാകെ കയറ്റുമതി ചെയ്തിരുന്നതെന്നാണ് കണക്ക്. ഇതിൽ 80 ശതമാനത്തോളമായിരുന്നു കേരളത്തിന്റെ സംഭാവന.

1980ൽ വിയറ്റ്നാമിലെ കര്‍ഷകരോട് തരിശ് നിലങ്ങളിൽ കശുമാവ് വെച്ചുപിടിപ്പിക്കാൻ അവിടുത്തെ സര്‍ക്കാര്‍ നിര്‍ദ്ദേശിച്ചു. 1990ൽ വിയറ്റ്നാമിലും കശുവണ്ടി സംസ്ക്കരണശാലകൾ ഉടലെടുത്തു. കൊല്ലത്തെപ്പോലെ ആയിരക്കണക്കിന് തൊഴിലാളികളാണ് അവിടെ ജോലിചെയ്തിരുന്നത്. വാൾമാർട്ട്, ടെസ്ക്കോ, കേർഫോ‍ർ തുടങ്ങിയ കമ്പനികൾ കശുവണ്ടി പരിപ്പ് വാങ്ങുന്നവരിൽ പ്രധാനികളായിരുന്നു. ലോകത്ത് എല്ലായിടങ്ങളിലും വിലക്കുറവിൽ കശുവണ്ടി വിൽപ്പന നടത്താൻ ശ്രമിച്ചു.

വിയറ്റ്നാമിൽ കശുവണ്ടി സംസ്ക്കരണത്തിലേർപ്പെട്ട തൊഴിലാളി


1990ന്റെ മധ്യത്തിൽ കേരളത്തിൽ വിയറ്റ്നാമിൽനിന്നുള്ള ആളുകൾ കശുവണ്ടി സംസ്ക്കരണശാലകൾ കാണാനായി എത്തിയിരുന്നു.വിയറ്റ്നാമിൽനിന്നും അക്കാലത്ത് സംസ്ക്കരണത്തിനായി കശുവണ്ടികൾ കൊല്ലത്തേയ്ക്ക് ഇറക്കുമതി ചെയ്തിരുന്നു. കശുവണ്ടി സംസ്ക്കരിക്കുന്നതെങ്ങനെയാണെന്ന് വിയറ്റ്നാമിൽനിന്നുള്ളവര്‍ക്ക് കേരളത്തിൽനിന്നും കണ്ടുമനസിലാക്കാനായി. ന്ഗ്യുയെൻ വാൻ ലാഗ് എന്ന എഞ്ചിനീയര്‍ അക്കൂട്ടത്തിലുണ്ടായിരുന്നു.

1995ൽ ഭക്ഷണ പദാര്‍ത്ഥങ്ങളുടെ പായ്ക്കിങ് കമ്പനിയുണ്ടായിരുന്ന ന്ഗ്യുയെൻ വാൻ ലാഗ് വിയറ്റ്നാമിൽ സംസ്ക്കരിക്കുന്ന കശുവണ്ടി അമേരിക്കയടക്കമുള്ള ഇടങ്ങളിലേക്ക് കയറ്റി അയയ്ക്കാനുള്ള സാഹചര്യം ഉണ്ടാക്കിത്തരണമെന്ന് സര്‍ക്കാരിനോട് അഭ്യര്‍ത്ഥിച്ചു. ഇന്ത്യ സന്ദര്‍ശിക്കുന്നതിനു മുന്നെ വാൻ ലാഗ് കശുവണ്ടി കണ്ടിട്ടുണ്ടായിരുന്നില്ല. ലാഗിനൊപ്പം പാരിസിൽ താമസമാക്കിയിരുന്ന സഹോദരനും അദ്ദേഹത്തോടൊപ്പം ഉണ്ടായിരുന്നു.



യന്ത്രസഹായത്തോടെ കശുവണ്ടി വലിയതോതിൽ സംസ്ക്കാരിക്കാനാവുമെന്ന് അന്ന് ലാങ്ങിന് മനസിലായി. അക്കാലത്ത് ഇറ്റലിയിലുള്ള ഒരു കമ്പനി കശുവണ്ടി തോട് പൊളിക്കാനുള്ള ഉപകരണം കണ്ടെത്തുകയുംചെയ്തു. പക്ഷേ അത് ഉപയോഗിക്കുക എളുപ്പമായിരുന്നില്ല. കശുവണ്ടി പരിപ്പിന് കേട് സംഭവിക്കുന്നതിനാൽ ഉപകരണത്തിന് സ്വീകാര്യത ലഭിച്ചില്ല. അങ്ങനെ പുതിയൊരു ഉപകരണം നിര്‍മ്മിക്കാൻ ലാങ്ങ് തീരുമാനിച്ചു. അതിനുവേണ്ടി ഒരുപാട് പണം താൻ ചെലവഴിച്ചിട്ടുണ്ട്, ഹോചിമിൻ സിറ്റിയിൽ താമസമാക്കിയ 73കാരനായ ലാങ്ങ് പറഞ്ഞു.

വിയറ്റ്നാമിലെ ആദ്യ കശുവണ്ടി സംസ്ക്കരണ കേന്ദ്രം ആരംഭിച്ചത് 1993ൽ പാം തൈ മൈ ലെയ് എന്ന 60കാരി സ്ത്രീയാണ്. അതിന് മുമ്പ് വിയറ്റ്നാമിൽനിന്നും കശുവണ്ടി ശേഖരിച്ച് കേരളത്തിലേക്ക് സംസ്ക്കരണത്തിനായി അയയ്ക്കുകയായിരുന്നു അവർ ചെയ്തിരുന്നത്. 2000 ആളുകൾ ജോലി ചെയ്തിരുന്ന സംസ്ക്കരണശാലയായിരുന്നു അവരുടേത്. വിയറ്റ്നാമിന്റെ വടക്കുനിന്നും ആയിരം മൈൽ അകലെനിന്നെത്തി ജോലി ചെയ്യുന്നവരുണ്ടായിരുന്നു മൈ ലെയുടെ കമ്പനിയിൽ. തൊഴിലാളികൾക്ക് താമസിക്കാൻ താത്കാലിക സൗകര്യവും അവര്‍ ഒരുക്കിക്കൊടുത്തിരുന്നു.



മൈ ലെയ് തന്റെ കമ്പനിയിലേക്ക് കശുവണ്ടി സംസ്ക്കരണത്തിനായി യന്ത്രം വാങ്ങിയതോടെ കശുവണ്ടി സംസ്ക്കരണം എളുപ്പത്തിലായി. ഇന്ന് മൈ ലെയുടെ സ്ഥാപനത്തിൽ 170 തൊഴിലാളികളാണോ ജോലിചെയ്യുന്നത്. 66,000 പൗണ്ട് കശുവണ്ടിയാണ് അവിടെ ദിനംപ്രതി സംസ്ക്കരിക്കുന്നത്. മൈ ലെയുടെ സ്ഥാപനത്തിൽ ജോലി ചെയ്യുന്ന ആളുകൾക്ക് കുടുംബത്തോടൊത്ത് താമസിക്കാനും കുട്ടികളെ ഡേ കെയറിൽ അയക്കാനുള്ള സൗകര്യവും ഒരുക്കി നൽകിയിട്ടുണ്ട്.


മുഴുവൻ യന്ത്രവത്കൃതമാണ് ലെ ക്വാങ് ലുയൻ എന്നയാളുടെ കമ്പനി. 30 തൊഴിലാളികളാണ് അവിടെയുള്ളത്. 1,10,000 പൗണ്ട് കശുവണ്ടി പരിപ്പാണ് ഇവിടെ ഓരോ ദിവസവും സംസ്ക്കരിക്കുന്നത്.



യന്ത്രവത്കരിച്ചാൽ ഇവിടെയുള്ള പാവപ്പെട്ട കുറേ ആളുകളുടെ തൊഴിൽ നഷ്ടമാകും. അതുകൊണ്ട് ഞങ്ങൾക്കത് ചെയ്യാനാവില്ല. കാപെക്സിന്റെ (കേരള സ്റ്റേറ്റ് കാഷ്യം വര്‍ക്കേഴ്സ് അപ്പെക്സ് ഇൻഡസ്ട്രിയൽ സൊസൈറ്റി) മാനേജിങ് ഡയറക്ടറായ ആർ രാജേഷ് പറയുന്നു. കഴിഞ്ഞ ഇലക്ഷനിൽ സര്‍ക്കാര്‍ നൽകിയ ഉറപ്പനുസരിച്ച് തൊഴിലാളികളുടെ വേതനം 350 രൂപയായി ഉയര്‍ത്തിയിട്ടുണ്ട്. അതിനാൽ സ്വകാര്യ കശുവണ്ടി സംസ്ക്കരണശാലകൾ കേരളത്തിന്റെ അതിര്‍ത്തി പ്രദേശങ്ങളിലേക്ക് മാറ്റിക്കൊണ്ടിരിക്കുകയാണ്.

ഇന്ത്യൻ കാര്‍ഷിക മന്ത്രാലയത്തിന്റെ കണക്കനുസരിച്ച് 1.5 മെട്രിക്ക് ടൺ കശുവണ്ടിയാണ് കഴിഞ്ഞകൊല്ലം ഇന്ത്യ ഉത്പാദിപ്പിച്ചത്. 82,302 മെട്രിക്ക് ടണ്ണാണ് ഇന്ത്യയ്ക്ക് കയറ്റുമതി ചെയ്യാനായത്. കഴിഞ്ഞവര്‍ഷം മാത്രം 38 ശതമാനം കുറവാണ് കയറ്റുമതിയിൽ ഉണ്ടായിട്ടുണ്ട്.

കഴിഞ്ഞ അഞ്ച് വര്‍ഷത്തേക്കാൾ അധികമായി 1.4 മെട്രിക്ക് ടൺ കശുവണ്ടി വിയറ്റ്നാം സഭരിക്കുകയും, 3,48,000 മെട്രിക്ക് ടൺ കശുവണ്ടി കയറ്റി അയയ്ക്കുകയും ചെയ്തിട്ടുണ്ട്.

കടപ്പാട്: How Cashews Explain Globalization (ദ വാൾ സ്ട്രീറ്റ് ജേർണൽ)

More from this Section

Highlights

ഗ്ലോബലൈസേഷന്റെ ഫലമായി കേരളത്തിൽനിന്നും എങ്ങനെയാണ് വിയറ്റ്നാം കശുവണ്ടിസംസ്ക്കരണത്തിന്റെ പാഠം പഠിച്ചെടുത്ത് ഒന്നാം സ്ഥാനത്തെത്തിയത് എങ്ങനെയെന്ന് ലേഖനം വിശദീകരിക്കുന്നു